Ministri i Mjedisit dhe Turizmit, Blendi Klosi, tha se futja e deputetëve të rinj në Kuvend i dha mundësi mazhorancës që të miratohet edhe ligjet e fundit për reformën në Drejtësi.
Në emisionin “Tempora”, Klosi theksoi se në zgjedhjet e 2017, PS mori më shumë vota se në 2013.
“Ne dimë këto që dimë, kemi 78 mandate në Kuvend, nga të cilat 74 janë si rezultat i votave që kemi marrë në 2017.
Opozita e re është në Kuvend jo me firmën e Edi Ramës, por janë emra që janë përzgjedhur nga Lulzim Basha dhe Monika Kryemadhi. Ajo që mund t’ju them është se ata kanë vota më shumë se ata që ikën.
Në Fier, Durrës dhe Berat, mund t’ju them se ata që kanë hyrë në Kuvend, kanë më shumë vota se ata që ikën”, tha Klosi.
E ndërsa Klosi po thurrte elozhe për deputetët e opozitës së re, gazetarja Sonila Meço, ironoi ministrin duke u shprehur “shyqyr që erdhi dita që ju të lavdëroni opozitën”.
