Kreshnik Çollaku, ish-diplomat dhe kreu i këshilltarëve demokratë në Këshillin Bashkiak të Tiranës, e cilësoi Samitin e djeshëm në Berlin si një nga hapat historik mes Europës dhe Ballkanit.
“Samiti duhet vlerësuar si një ngjarje me përmasa historike sa i përket gjithë rajonit tonë. Ai është një ngjarje e rëndësishme, spirancë që hidhet dhe mban të lidhur dhe aktive prespektivën europiane të Ballkanit”, tha Çollaku në studion e Faxneës.
Sipas tij, gjatë samitit janë dhënë dy mesazhe të rëndësishëm.
“Samiti dha një lajm të mirë, ai tregoi që vazhdon vëmendja Europiane por ka dhe ngjarje të hidhura. Përpos deklaratave fëmijnore të Gent Cakaj, mesazhi i hidhur është që Shqipërisë nuk do i hapen negociatat në qershor. Kancelarja Merkel dhe Presidenti Macron janë bazuar në mbështetjen dhe respektimin e kritereve të Kopenhagentit, dhe e njëjtë vlen dhe për ne. Shqipëria radhitet në venden me konfliktin politik. Kështu që vendi jonë nuk e plotëson kriterin e parë të Kopenhagenti”, shtoi ai.
I pyetur se çfarë ka ndikuar që sërish dhe kësaj radhe negociatat u shtynë Çollaku u shpreh se “implikimi i Ramës për debatin e ndarjes së Kosovës dhe shkëmbimit të territoreve nuk ndikon në parametrat për integrimin e vendit në Bashkimin Europian. Dua të them që vendi ka bërë hapa mbrapa duke bërë që negociatat të mos happen as në qershor. Kriminaliteti që eksportohet nga Shqipria apo dhe të tjera si kjo, janë kushte që na bëjnë kritikë për anëtarësimin e vendeve të reja në Bashkimin Europian. Ky argument është përdorur në Samit.Ishte Shqipëria dhe Gjeorgjia, vendet me nivelin më të lartë të eksportimit të kriminalitetit drejtë Europës”.
Ai nuk ka lënë pa përmendur dhe deklaratën e Taulant Ballës ditën e sotme sa i përketë dialogut mes opozitës dhe qeverisë duke rënduar mbi kurrizin e Kushtetutës.
“Taulant Balla nuk është një nga ata personazhe që të merren seriozisht. Opozita është e hapur për negociata por jo me Edi Ramën kryeministër.
Në Shqipëri ka 2 palë të ndara qartësisht. Është qeveria që kërkon zgjedhje moniste dhe opozita që refuzon të pranojnë një opozitë fasadë. Këta janë 2 palët që bëjë politikë.
Ndërkohë që, unë shpresoj që Presidenti të ketë mundësinë dhe forcën për të krijuar një dialog mes Ramës dhe opozitës. Dua të theksoj se kriza në këtë vend zgjidhet pasi Edi Rama të heqë dorë nga pushteti. Ta harrojnë njerëzit hapjen e negociatave me Edi Ramën në pushtet dhe si kryeministër”, shtoi ai.
