Kreu demokrat Lulzim Basha theksoi se Partia Demokratike do të ketë në vëmendjen e saj qytetarin.
“Presidenti Trump e ka thënë Amerika e para dhe e bën një gjë të tillë, ndaj edhe unë e them: Shqipëria e para.
Nuk mund të ndodhë më që qytetarët shqiptarë, fermerëve shqiptarë, të mos i japim suportin maksimal dhe për t’i mbështetur”, theksoi Basha.
Sipas tij, programi i PD-së është i detajuar dhe garanton zhvillimin ekonomik të vendit, zhvillimin ekonomik të fermerëve dhe shqiptarëve.
“Do të subvencionojmë me 100 mln euro në vit fermerët shqiptarë, sikundër do të subvencionojmë zonat rurale, ndërsa sot u është vendosur trau fermerëve shqiptarë”, tha Basha, duke shtuar se subvencionet do të jenë të bazë të prodhimit.
Ai ftoi shqiptarët që të shtunën e 11 majit të tundin edhe njëherë flamurin e lirisë, ashtu sikundër kanë bërë në protestat e 16 shkurtit, 16 marsit dhe në ccdo protestë tjetër të organizuar kundër qeverisë së krimit dhe oligarkisë.
