Aktori i humorit Julian Deda, i njohur njëkohësisht edhe për angazhimin e tij si anëtar i Këshillit Kombëtar të Partisë Demokratike, ka komentuar për Syri.net jo vetëm situatën politike në vend por edhe kthimin në modë të komedianëve në politikën e madhe. Sipas Dedës i cili ka qenë një kritik i vazhdueshëm i qasjes së tërhequr të opozitës, opozita në këtë moment po bën pikërisht punën që ajo duhet të bëjë duke u përballur me maxhorancën në pushtet.
“Opozita po bën punë e saj. Unë e kam kritikuar shumë lidershipin e Partisë Demokratike në fillim. Kam kritikuar në mënyrë që ata të bëjnë opozitë, të përballen. Vjen një moment që ata po e bëjnë. Djegia e mandateve është një nga aktet më të forta të ndërmarra nga Opozita. Djegia e mandateve i ka afruar më pranë njerëzve dhe ka rritur frynën në popull, për të kuptuar që në fund të ditës opozita është gati të hiqte dorë nga mandatet, për të fituar besueshmërinë. Sigurisht që nuk do të doja një përplasje. Por po nuk u agravua situata nuk zgjidhet.
Deda po ashtu përjashtoi mundësi që Basha dhe Rama të takohen në një 17 maj të dytë.
“Unë kam parasysh atë fjalinë e Lulzim Bahës që thotë ma hodhe njëherë është faji im., po ma hodhe dy herë faji nuk është më i yti. Një takim midis Bashës dhe Ramës kokë më kokë nuk besoj që do ketë më.”
Deda komentoi po kështu edhe trendin e komedianëve në politikën evropiane duke iu referuar zgjedhjes si President i Ukrainës së një komediani, apo ‘Lëvizjen 5 Yjet’ në Itali të Beppe Grilos
‘Nuk mund të ketë qënie më serioze se një komedian. Njerëzit që merren me humor janë më shumë pranë njerëzve sepse e kthejnë në humor hallin e tyre.
Ka një trend sepse këta janë njerëz që vijnë nga jashtë sistemit. Pra që ske ku ti kapesh, që nuk kanë pasur pozicione që njerëzit të kenë objeksione ndaj tyre. Ndoshta në Shqipëri nuk funksionon akoma që një komedian të marrë mbështetje.”, tha Dedaj.
