Ligji i dekriminalizimit ende nuk po jep efektet mbi administratën publike të njësive vendore. Përveç disa këshilltarëve bashkiak të larguar me vetëdije për të kaluarën e tyre problematike, në disa njësi të tjera vendore vijojnë të jenë në detyrë zyrtarë të dënuar më përpara.
Bëhet fjalë për Aleksandër Totin i cili mban detyrën e Zëdhënësit për media në Bashkinë e majtë të Tepelenës që drejtohet nga Tërmet Peçi.
Boldnews.al ka siguruar vendimin e Gjykatës e Gjykatës së Gjirokastrës, ku Toti rezulton i dënuar me 4 muaj për veprën penale të “Vjedhjes” në vitin 2014. Nga ky dënim ai ka vuajtur vetëm 2 muaj e 20 ditë burg.
Më herët, Aleksandër Toti ka punuar si operator pranë televizionit A1 Report të Carlo Bollinos dhe Koço Kokëdhimës.
