Një 26 vjeçar që po sfilonte në pasarelën e “Javës së Modës”, në Sao Paulo, Brazil, ka humbur jetën.
Tales Soares, po merrte pjesë në sfilatën për markën Ockas, kur u rrëzua në skenë. Ai ka marrë ndihmën e menjëherëshme dhe është dërguar në spital por nuk ka arritur të mbijetoj.
Modelet u shokuan kur panë se e ai nuk po lëvizte dhe në pasarelë mbërriti një grup mjekësor.
Organizatorët konfirmuan vdekjen e tij në Tëitter, por nuk dhanë ndonjë detaj lidhur me ngjarjen.
“Na vjen keq për humbjen tij, i përcjellim ngushëllimet tona më të thella familjes së Tales”, thuhej në postim, duke shtuar se ata po ofronin të gjithë ndihmën e nevojshme për familjarët.
Disa orë para ngjarjes tragjike, Soares kishte postuar në rrjetet sociale foto lidhur me sfilatën ku do të merte pjesë.
