Kryeministri Edi Rama vijon me batutat e tij, ndërsa së fundmi nuk ka nguruar të bëjë humor me gruan e një sipërmarrësi.
Duke shfrytëzuar faktin se bashkëshortja e sipërmarrësit ishte kineze, Rama e ka pyetur nëse dinte shqip dhe a e kuptonte vjehrrën kur fliste me të.
Por duket se humori kinez i Ramës ose nuk është mirëpritur ose nuk nuk ka bërë aspak për të qeshur bashkëbiseduesit, që kanë preferuar t’i përgjigjen shkurt dhe pa ia kthyer me batutë.
Dialogu është zhvilluar teksa Rama ka vizituar fabrikën e prodhimit të lëndës së parë për bateritë e makinave, një investim me vlerë mbi 20 milionë dollarë.
Ndoshta këtë rradhë, Rama ka gjetur personat e gabuar për të bërë humorin kinez që zakonisht bën me shqiptarët dhe që shkrihen gazit, ndoshta pa dëshirë.
Biseda
Rama: Ku e ke mësuar kinezçen?
Sipërmarrësi: Kam jetuar 14 vite në Kinë
Rama: I martuar me kineze?
Sipërmarrësi: Po
Rama: Ke mësuar shqip?
Gruaja kineze e sipërmarrësit: Po, po, kam gjashtë vite këtu
Rama: E kupton vjehrrën?
Gruaja kineze e sipërmarrësit: Po
