Burimet pranë këngëtares bënë me dije se kjo gjendje psikologjike kishte ardhur, pas përkeqësimit të shëndetit të babait të saj dhe njerëzit më të afërt i qëndruan shumë pranë Britney-t në një moment delikat.
Megjithatë Britney në fjalimin emocionues që ka mbajtur në profilin e saj në Instagram, rrëfen se përveç gjendjes së saj të rënduar, i janë shtuar dhe thasheshemet që qarkullojnë rreth saj, të cilat e kanë prekur këngëtaren.
“Doja t’ju përshëndesja, sepse gjërat që po thuhen rreth meje kanë dalë jashtë kontrollit!! Wow!! Ka thashetheme, kërcënime me vdekje për familjen time dhe ekipin tim, dhe u thanë kaq shumë gjëra të çmendura. Unë përpiqem të marr një periudhë pushimi për veten, por gjithçka që thuhet përrreth është duke e bërë më të vështirë për mua. Mos besoni gjithçka që lexoni dhe dëgjoni. Email-et e rreme u krijuan nga Sam Lutfi vite më parë… Nuk isha unë ajo që shkruaja. Ai pretendonte se isha unë, që komunikoja me ekipin tim, me një adresë të rreme. Situata ime është unike, por premtoj se po bëj më të mirën për momentin. Ju nuk mund ta dini se si jam unë, por unë jam e fortë dhe qëndroj fort për ata që dua. Dashuria dhe përkushtimi juaj është i mahnitshëm, por ajo që më duhet tani është pak privatësi për t’u marrë me të gjitha gjërat e vështira që po më hedh jeta. Nëse mund ta bëni këtë, do ju isha përgjithmonë mirënjohëse.”-është shprehur Britney Spears.
