Sandër Lleshaj ka reaguar përmes një postimi në rrjet lidhur me arrestimin e personit të 5-të sit ë dyshuar për përfshirjen në ngjarjen e 9 prillit, ku në pistën e aeroportit “Nënë Tereza” u grabitën disa miliona euro.
Lleshaj shkruan se goditja ndaj grupit të grabitësve në Rinas vazhdon.
“I pesti u mbyll prapa hekurave, duke e shtrënguar darën afër maksimumit. Respekt për punën e Policisë së Shtetit dhe të Prokurorisë!
Gjatë ditës së sotme (23 prill), u arrestua personi i pestë në lidhje me grabitjen e 9 prillit në Rinas.
Në prangat e policisë ka rënë 32-vjeçari i identifikuar si Elton Pikli nga Kruja. Sipas policisë, ai u arrestua mbrëmë në mesnatë, në aeroportin e Rinasit, ku po tentonte të largohej drejt Bullgarisë”, shkruan Lleshaj.
