Ish-Kryeministri Sali Berisha tha mbrëmjen e sotme se ministrat Belinda Balluku dhe Sandër Lleshaj duhet të arrestohen për grabitjen e ndodhur rreth 10 ditë më parë në pistën e aeroportit të Rinasit.
Ndërsa e cilësoi një grabitje tërësisht shtetërore, Berisha tha se Lleshaj dhe balluku kanë qenë drejtuesit më të lartë të Aviacionit Civil, që mbajnë përgjegjësi jo vetëm për këtë grabitje, por edhe ato të ndodhura më parë.
“Njeriu që duhet të arrestohet është Sandër Lleshaj, drejtues i bordit. Duhet të arrestohet Belinda Balluku, Engjëll Agaçi, që janë në bordet e drejtimit të Aviacionit Civil”, u shpreh Berisha.
