Ambasadorja franceze në Tiranë, Christine Vasak, u shpreh se nuk dihet nëse do të ketë një vendim për kërkesën e Parlamentit holandez, pasi ky i fundit votoi për rikthimin e vizave për shqiptarët.
Nga Korça, diplomatja franceze u shpreh se “Parlamenti është sovran dhe këtë e them para një grupi prej tre senatorësh. Është një vendim i marrë nga parlamenti holandez dhe duhet kuptuar përmbajtja dhe ku do të përfundojë”.
Ajo shtoi se ekziston një procedurë e tërë dhe nuk jemi të sigurt që ajo do të ketë një përfundim. “Nuk e dimë se çfarë do të ndodhë“, shtoi ajo.
