Ministri i Drejtësisë, Ylli Manjani ka ‘premtuar’ se do të çojë në burg ministra, deputetë dhe prokurorë. Këtë deklaratë ministri e ka bërë gjatë show-t të humorit “Portokalli” ku ka qenë i ftuar gjatë një prej episodeve të jetës së Kapos dhe Melaminit, dy burgaxhinjtë e përjetshëm të Portokallisë.
Ndërsa ka shkuar për inspektim në burg dhe është futur në qelinë e Kapos dhe Melaminit, ministri ka gjetur celularë, armë dhe alkool. Ai ka thënë se pas reformës në drejtësi të gjithë do të trajtohen njësoj edhe në burgje.
Në një moment Kapoja i thotë ministrit që vetëm ata po bëjnë burg duke i kërkuar të sjellë ndonjë ‘të hajrit’ që për të ishin deputetë e ministra. Atëherë Manjani iu ka thënë se do ua sjellë. “Do ju sjellim edhe ministra, edhe deputetë, edhe prokurorë”, ka thënë Ministri i Drejtësisë.
(Boldnews)
