E cilësuar si Sëmundja e Shekullit, obeziteti është një ndër sëmundjet që ka prekur me ritme të shpejta edhe vendin tonë. Vetëm gjatë vitit 2017 në Shqipëri janë trefishuar rastet e të prekurve nga kjo sëmundje ndërkohë që duket se kujdesi ndaj shëndetit me dieta të ekuilibruara dhe kontrolle të herë pas herëshme, nuk janë ende pjesë e kulturës sonë shëndetësore.
Për këtë arsye në vend janë shtuar gjithashtu edhe rastet e ndërhyrjeve kirurgjikale të bypass-it gastrik me qëllim reduktimin e kilogramëve të tepërt. Këtë e pohojnë edhe mjekët e spitaleve private në të cilat kryhen më së shumti këto lloj ndërhyrjesh.
Doktori turk Celeb Hadit, në spitalin Hygea, shpjegon në mënyrë të detajuar procesin e ndërhyrjes duke sjellë një rast të suksesshëm operacioni. Megjithatë, ai thekson se përpara se të ndërmerren veprime të tilla, pacientët duhet të kryejnë një kontroll të detajaur të gjendjes shëndetësore si para ashtu edhe pas operacionit.
“Operacioni ishte mbi një rast obeziteti. Pacientja erdhi me një indeks të masës trupore mbi 45, gjë që tregon se duhej të kryentë këtë ndërhyrje. Kishte provuar disa mënyra dhe iu nënshtrua ndërhyrjes së bypass-it gastrit. Pacjentes iu shpjeguan avantazhet dhe disavantazhet e këtij operacioni dhe më pas ai vendosi ta kryente ndërhyrjen. Ky operacion këshillohet të bëhet nga pacientë të cilët kanë masën e indeksit trupor mbi 40 dhe përgatitja përpara operacionit është gjithashtu shumë e rëndësishme,” u shpreh doktori.
Specialistët theksojnë gjithështu rëndësinë e konsultimit për pjesën endokrinologjike, kardiologjike, pulmonologjike, mentale, anesteziale dhe gastrontenstinale.
‘Nëse nuk kryhen këto konsulta përpara operacionit, mund të kemi komplikacione dhe për këtë arsye ky process duhet të jetë shumë strikt,’ këshillon mjeku.
Sipas studimeve,konsumimi i tepërt i sheqerit sjell shqetësime në të gjithë organizmin, si dhe është një ndër faktorët kryesorë që sjell prekjen nga obeziteti. Ndërkohë që sipas studimeve të shumta të kryera lidhur me këtë sëmundje, edhe nga CIA World Fact Book, prevalenca e obezitetit te të rriturit në Shqipëri arriti në 21.7% të popullsisë në vitin 2016, nga 18.1% që ishte ky tregues në 2014-n, duke u renditur në vend të 74, nga 180 vende ku ka të dhëna të vlefshme.
Këshilla kryesore që japin mjekët lidhur me këtë problem shëndetësor në rritje është padyshim të ushqyerit shëndetshëm dhe një jetë aktive. /Boldnews.al/
