Forca policore kanë ndërhyrë dhunshëm në zonën e Bregut të Lumit, ku një ditë më parë banorët e rreth 38 banesave penguin shembjen e shtëpive të tyre.
Fadromat, të mbështetura nga policë të ndërhyrjes së shpejtë, kanë ndërhyrë rreth orës 06:00 duke ushtruar dhunë dhe arrestuar banorët.
Këta të fundit kanë nisur protestën, ndërsa janë mbështetur edhe nga ish-deputetët Jorida Tabaku dhe Klevis Balliu.
Nga një video e bërë publike nga PD, shfaqen policë me skafandra, mburoja, shkopinj gome dhe spraj, që sulmojnë banorët, të cilët kundërpërgjigjen me gurë dhe mjete rrethanore.
Nga përplasja ka mbetur i dëmtuar edhe një i moshuar, që duket se është goditur në pjesën e kokës.
