“Shqiptarët po marshojnë drejt vlerave europiane, ndryshimit dhe drejtësisë së vërtetë! #13prill #shqiperiasieruopa”.
Është ky mesazhi i shpërndarë nga kreu demokrat Lulzim Basha në rrjetin social, ndërsa ka postuar foto nga takimet me qytetarët që ka zhvilluar dje në Rrogozhinë dhe Luz të Kavajës.
Opozita zhvillon më 13 prill protestën e saj të rradhës para kryeministrisë me një kërkesë të vetme, dorëheqjen e Edi Ramës nga posti i kryeministrit dhe vajtjen drejt zgjedhjeve të parakohshme me një qeveri tranzitore.
Gjatë ditës së sotme Basha do të mbledhë Këshillin Kombëtar dhe kandidatët për deputet ku pritet të vendoset strategjias që do të ndjekë opozita në këtë protestë.
Basha ka përjashtuar çdo mundësi për arritjen e një marrëveshjeje me Edi Ramën, ndërsa ka vënë theksin në shembjen e një sistemin që sipas tij vjedh shqiptarët.
