Qëllimi i opozitës nuk është vetëm ardhja në pushtet, por edhe shembja e këtij sistemi politik.
Kështu u shpreh kreu i LZHK-së, Dashamir Shehi, aleat i PD-së në studion e “Të Paekspozuarit”.
Shehi tha se qytetarët kanë mbështetur protestat dhe do të mbështesin edhe atë të 13 prillit.
“Njerëzit nuk është se janë lodhur, kanë ardhur në protestë dhe do të vijnë edhe në datë 13. Defekti i kësaj punë është kjo, është ngritur një pritshmëri datash, se kur do bjerë Edi Rama.
Unë jam prej atyre që e kam thënë, se kjo është një rrugë e gjatë. Nuk them që do bjerë nesër pasnesër, por duhen muaj.
Ne nëse duam t’i realizojmë ato aspirata, kemi nevojë për kohë. Ne po themi të ndërtojmë një matricë tjetër politike.
Ne duam ta prishim këtë llojë skalete politike. Ne do ta përmbysim këtë lloj loje, ndryshe largimi nga parlamenti nuk do të kishte asnjë vlerë. Dolëm nga parlamenti sepse rregullat brenda politikës janë bërë pis, janë të pandershme”, tha Shehi.
