I quajturi “dokumenti famëkeq”, për shkak të ndarjes së influencave në përfundim të Luftës së Dytë Botërore, në të tregohet se si Churchill dhe Stalini ranë dakort mes tyre.
Dokumenti pritet të publikohet në Londër në kuadrin e 70-vjetorit të krijimit të NATO-s.
Në dokument tregohet mënyra se si është vepruar për të kontrolluar disa vende, përfshi këtu edhe Greqinë, Bullgarinë, Rumaninë, Jugosllavinë, ndërsa Polonia dhe Shqipëria janë lënë jashtë qëllimisht.
Dokumenti është publikuar në rrjet nga ish-ministri Marko Bello.
“Ky është “dokumenti famëkeq” që tregon se si Churchill dhe Stalini ranë dakord për të ndarë zonat e influencës në përfundim të Luftës së Dytë Botërore: Rumania 90% Rusisë, 10% Britanisë, Greqia 90% Britanisë, 10% Rusisë, Jugosllavia 50/50, Hungaria 50 me 50, Bullgaria 75/25… Polonia u la qëllimisht jashtë nga kryeministri britanik, me shpresën për ta kthyer tërësisht nën influencën e Perëndimit, ndërsa Shqiperia u harrua, për t’ia lënë më pas Jugosllavisë. Dokumenti, për të cilin dikur Churchill kishte thënë se “do t’i shokonte amerikanët për mënyrën brutale të ekspozimit të problemit të ndarjes së zonave të influences”, pritet që të ekspozohet këto ditë në Londër, në kuadrin e 70 vjetorit të krijimit të Aleancës së Atlantikut të Veriut”, shkruan Bello.