Kryeministri Edi Rama ka mbajtur një fjalim në Kuvend, në një kohë kur qytetarë protestonin përballë Parlamentit duke kërkuar dorëheqjen e tij.
Rama nuk ka kursyer batutat në drejtim të opozitës, duke bërë lojra fjalësh, një mënyrë për të tërhequr vëmendjen dhe një përpjekje për t’i dhënë nota humori situatës që po ndodh.
Në mungesë të një debate real parlamentar, pavarësisht se thotë se ndjehet mirë kur opozita ndodhet në rrugë duke protestuar, duke bërë arrogantin sa herë takohet me mbështetës të Rilindjes dhe punonjës të administratës, Rama duket se vuan mungesën e prezencës në sallën e Kuvendit të deputetëve të PD-së.
Por Kryeministri duket se nuk rri dot pa u ngacmuar, duke u shfaqur hera herës si Shabani, një personazh në Tiranë, i 40 viteve më parë, që ngacmonte cilindo që nuk i fliste ose e shpërfillte.
Kështu Rama ka zgjedhur Myslym Murrizin për të bërë replikën, ndërsa batutat i ka përqëndruar te Lulzim Basha, Gazmend Bardhi, Ervin Salianji, Sali Berisha apo Grida Duma.
Replikat
Rama-Murrizit: Pavarësisht se Murrizi e mohon, Basha është kryetari jot.
Murrizi: Është shoku jot
Rama: Basha është shoki im por është kryetari yt
Rama: Ne mundëm Saliun, Ridvanin dhe Jozefinën, jo më Lulin me Gaz Bardhin e Salianj Dumën.
Rama për Kryemadhin: Zgjedhje të parakoshme se na ka mbetur fallxhorja pa rrogë, s’ ka.
