Ish-Presidenti Bujar Nishani ka reaguar lidhur me ngjarjen e rëndë të ndodhur sot në Shkodër, ku pranë banesës së tyre u ekzekutuan vëlleyëzit Astrit dhe Brahim Bilali. Bashkë me dy personat që u ekzekutuan sot, Shkodra numëron 11 viktima në 8 muaj, ndërsa policia nuk ka zbardhur asnjë ngjarje.
Përmes një postimi në rrjetet sociale, Nishani ngre alarmin për situatën me rendin në vend, ndërsa shton se, një qeveri e ardhur nga krimi, sjell vetëm krim.
“Vrasje, rrëmbime, shpërthime me tritol makinave e shtëpive, çdo ditë e në çdo qëndër urbane të vendit.
Kriminalitet që nuk ka të ndalur ! Ky është shërbimi që i bëri “rilindësi” Shqipërisë dhe pasoja që nuk dihet se kur do të ndalet e platformës së narkotizimit të një shteti të tërë. Qeverisje e ardhur nga krimi, pjell vetëm krim”, shkruan ish presidenti Bujar Nishani.
