Një 41 vjeçar me origjinë nga Kosova ka përfunduar në prangat e policisë italiane. Ai është Qerim Lumi, banues në Treviso.
41-vjeçari ishte shpallur në kërkim, ndërsa akuzohet si ndërlidhës dhe transportues droge.
Ai u kap në kuadër të operacionit “Alba Bianca”, i cili u realizua në shtator të vitit të shkuar, duke çuar në identifikimin dhe denoncimin e 40 trafikantëve të drogës, 30 prej të cilëve përfunduan në rrjetën e “Guardia di Finanza” në Trento.
Gjatë operacionit, policia kapi 120 kg drogë, heroinë, kokainë dhe marijuanë, me një vlerë në tregun me pakicë prej 20 milion eurosh. Gjithashtu u sekuestruan edhe 8 automjete të përdorura për transportin e drogës dhe mbi njëqind mijë euro para të gatshme.
