Pas takimit të zhvilluar ne qendër të Durrësit, nën sloganin “Bashkia që Duam”, mësohet se kryeministri Rama po zhvillon një darkë informale me disa drejtues të zgjedhur.
Sipas burimeve konfidenciale, Rama ndodhet në rezidencën qeveritare në Durrës duke darkuar me deputetin Roland Xhelilaj, kryebashkiakun, Vangjush Dako, ish-ministren Eglantina Gjermeni, deputetin Ilir Ndrazhi, deputeten Klodiana Spahiu, deputeten Milva Ekonomi, deputetin Fidel Ylli.
Gjithashtu në takimin konfidencial janë edhe kreu i PS në Durrës, Luan Zaza, ish-Drejtori i Portit, Afrim Bakaj, Sekretarin e PS në Durrës, Arben Isaku njëherazi dhe drejtor ALUIZNI, Ledjon Lako, Drejtorin e Ujësjellës Kanalizimeve, Spartak Kovaçin, Drejtorin Rajonal të Shërbimeve të Trasportit në Durrës, Roni Shqopa, deputetin socialist, Spartak Braho, Drejtoreshën Jolanda Mustafaraj, këshilltaren Ana Dhamo, drejtorin e OSHEE Ardian Çela dhe kryetarin e qarkut Durrës, Alfred Mullaraj dhe deputetin e Krujës Rrahman Rraja, raporton bulevardionline.
Mësohet se në këtë takim, që pason atë të zhvilluar në qendër të qytetit, do të diskutohet mbi emrin e kandidatit të PS-së për kryebashkiak të Durrësit. Përveç Dakos në garën e brendshme për kryebashkiak janë edhe Spartak Kovaçi dhe Ardian Çela, edhe këta prezent në darkën me kryeministrin.
