Policia parandalon përshkallëzimin e mëtejshëm të një konflikti me pasoja të rënda për jetën, ndërsa arrestoi një person.
Rreth orës 15.30, Policia ka marrë njoftim se në lagjen “Beqir Dardha”, Elbasan, po ndodh një konflikt mes dy shtetasve ku njëri prej tyre ka armë të ftohtë thikë.
Pas marrjes së njoftimit menjëherë në vendgjare kanë shkuar forcat e Policisë dhe falë ndërhyrjes së shpejtë është arritur të kapet autori në flagrancë shtetasi S.B., 43 vjeç, banues në Elbasan, i cili gjatë një konflikti për motive të dobta ka goditur me mjet të mprehtë ( thikë) shtetasin A.M., 57 vjeç.
Në cilësinë e provës materiale u sekuestrua një thikë.
Grupi hetimor po punon për zbardhjen dhe dokumentimin e plotë të ngjarjes.
