Shqipëria ndodhet sot në një udhëkryq, por që ka një zgjidhje, ajo është opozita e bashkuar, opozita europiane.
Kështu iu drejtua Aleksander Biberaj të pranishmëve në protestën e opozitës, ndërsa ka zgjedhur t’i drejtohet me një mesazh ndërkombëtarëve.
“Ne kemi qenë partner dhe aleat me Ju, aleaca e opozitës janë uashingtoni, Brukseli, Berlini dhe Strasburgu.
Edi Ramës i ka mbetur aleat vetëm etërit e tij, pasi qytetarët e kanë braktisur.
Të drejtat fitohen dhe nuk dhurohen, ashtu sicc ka ndodhur në vendet tuaja.
Jemi duke përgatitur programin më të mirë që ka pasur Shqipëria në 28 vitet e fundit. Është përgjegjësia jonë për ta bërë si gjithë Europa”, tha Biberaj.
Sipas tij, dita e fitores është shumë e afërt, pasi shqiptarët janë të gjithë bashkuar pa dallim bindjesh politike.
“Shumë shpejt faktori ndërkombëtar do të mbështesë kauzën tonë të drejtë”, tha Biberaj.
