Një gjobë të madhe ose dënimin e fushës, duke luajtur ndeshjet e rradhës pa tifozë. Ky mund të jetë dënimi që Shqipëria mund të marrë, pasi në ndeshjen e luajtur dje në Loro Boriçi, në fushën e lojës janë hedhur sende të forta.
Incidentet kanë ndodhur pasi Shqipëria pësoi golin e dytë, shënuar nga Hakan Çalhanoglu në minutën e 55-të.
Ndeshja ishte e vlefshme për Euro 2020, ndërsa kuqezinjtë humbën 2-0 përballë turqve.
Sa i përket Grupit H, ndeshja e radhës është më 11 qershor, ku Shqipëria përballet me Moldavinë, e parashikuar madje të zhvillohet në stadiumin e ri “Arena Kombëtare” në kryeqytet.
“Ju lutemi mos hidhni sende në fushë, pasi do të penalizohemi”, ishte thirrja nga fonia e stadiumit pas golit të dytë të Turqisë.
