Mbrëmjen e së premtes qyteti i Elbasanit u trondit nga ekzekutimi i avokatit Ravik Gurra, 50 vjeç.
Ai u vra teksa qëndronte në një lokal, në praninë e dy personave të tjerë. Të shtunën, 50-vjeçari do të udhëtonte drejt Britanisë së Madhe, ndërsa ishte shtetas anglez dhe shqiptar.
Avokati u qëllua në kokë me një armë me silenciator, ndërsa gazetari Armand Bajrami, ka rrëfyer momente nga biseda me avokatin.
Madje ai ka zbardhur se në moshën 65 vjeç, avokati do të ushqente pulat në shtëpinë në fshat dhe do të lexonte Shekspirin.
Postimi i gazetarit Armand Bajrami
Krimi mori nje tjeter jete. Ishte radha e Ravikut. Nje nga avokatet me interesante e te lexuar qe kam njohur.
Spikaste nder kolege nga qetesia dhe nje artikulim elegant. Fliste per librat dhe familjen.
Njeri me humor te holle, te cilin ia shtonte shqipja me nuanca dialekti elbasanas dhe ngjyra te anglishtes (te rrenjosura nga qendrimi i tij i gjate ne Londer).
Heren e fundit e takova te premten e kaluar ne seancen per Shullazit dhe grupin ne Apelin e Krimeve. Po i tregoja qe kisha nderruar vendin e punes, por jo pozicionin, duke i bashkangjitur me te qeshur frazen e huazuar nga nje spot publicitar “nderrova ngjyren, por jo numrin”.
“Je i martum, tha Raviku, se nryshe mund ta nderroje dhe numrin”.
Avokati elbasanas ne vijimesi shprehte pakenaqesi per menyren si funksiononte drejtesia ne Shqiperi, duke sjelle sakaq eksperiencen e huaj.
Me trishtoi lajmi per vrasjen e tij.
Gjeja e pare qe me feksi nder mend ishte nje bisede me te 2-3 vjet me pare, kur po i kerkoja mendim per nje 60 e ca vjecar, ish funksionar publik, qe shfaqej studiove duke mbajtur qendrime qe s’i shkonin per shtat.
Une, tha avokat Raviku, kur te jem 65 vjec dua te baj vetem nji gja: T’lexoj Shekspirin dhe te ushqej pulat tek shtepia ne fshat (me duket se atekohe e kishte nisur ndertimin e saj ne rrethinat e Elbasanit). Ate jete du me ba.
S’te lane te behesh 65 vjec avokat…
