Nga Landi Çela
Në një vend ku media po lufton për mbijetesë, plagën më të rëndë nuk ia shkakton politika, as oligarkët, as censura. Ia shkaktojnë gazetarët e oborrit ata që dorëzojnë etikën, integritetin dhe profesionalizmin për të marrë një telefonatë, një kontratë, një privilegj apo një favor.
Në krye të shkatërrimit të medias në Shqipëri, qëndron sot nje kanali ABC News, ekran i drejtuar nga Sokol Balla figurë që prej vitesh përmendet publikisht si një prej zërave më të afërt me kryeministrin Rama. Një gazetar që është kthyer në zëdhënës joformal të pushtetit, duke përdorur studiot televizive si bunker propagande.
Ka të drejtë ish-buri i Belindës sepse ka blerë apartament gjysmë milioni euro tek kulla e “7 xhuxhave” dhe një makinë rreth 200 mijë euro, të cilat i ka blerëme rrogë, duke shtuar edhe më shumë dyshimet për lidhjen e pazakontë mes politikës, parave dhe ekranit. Këto janë pikërisht arsyet përse publikut i lind pyetja: Si mund të jetë i pavarur një gazetar që lundron në luks ndërsa vendi mbytet në varfëri?
Ironia arrin kulmin kur kujtohet se Balla ka qenë ish-bashkëshorti i zv/kryeministres Belinda Balluku, një figurë që ka mbi shpinë një mal me dyshime publike, skandale politike, hetime të hapura dhe marrëdhënie të errëta me kontraktorët e qeverisë. Ndërsa Balluku noton mes milionave të tenderëve, koncesioneve dhe projekteve të dyshimta, ish-bashkëshorti i saj gjen luksin të shpërfillë etikën, të ulë standardet dhe të vërë në shënjestër kolegë e media të tjera me arrogancë të pakontrolluar.
Ky është standardi i “gazetarisë” që po helmon vendin:
Gazetari i pushtetit që moralizon.
Gazetari me vila dhe makina luksi që flet për hallet e popullit.
Gazetari që e mbron qeverinë më shumë sesa e mbron të vërtetën.
Ky është rreziku më i madh për lirinë e medias në Shqipëri. Jo presioni politik por kapja e medias nga brenda, nga njerëz që kanë kthyer profesionin në biznes personal, në lobim, në shpërblim për heshtje. Media nuk bie kur e sulmon qeveria; media bie kur drejtuesit e saj shiten si në ankand.
Nëse një gazetar i ekspozuar ndaj luksit demonstrativ mbron pushtetin me dhëmbë, atëherë publiku ka të drejtë të pyesë:
Çfarë ka blerë qeveria? Heshtjen apo besnikërinë? Apo të dyja?
Në Shqipëri, gazetaria ka dy rrugë:
– të bëhet zgjatim i propagandës, ose
– të bëhet kështjella e fundit e së vërtetës.
ABC News ka zgjedhur rrugën e parë. Dhe këtë nuk mund ta maskojë më asnjë mimikë, asnjë debat i orkestruar, asnjë retorikë boshe.
Media nuk vdes nga censura. Media vdes kur në krye të saj qëndrojnë njerëz që e përdorin për të rritur pasurinë dhe jo për të zbuluar të vërtetën.
Dhe sot, pikërisht kjo po ndodh në sy të të gjithëve./ Publik.al
