Ravik Gurra, avokat i njohur në Elbasan, u ekzekutua mbrëmjen e së premtes në një lokal në qendër të qytetit.
Avokati, me shtetësi angleze dhe shqiptare, u ekzekutua me një armë me silenciator, ndërsa dyshimet janë se autori u largua nga vendi i ngjarjes me një automjet tip Mercedez, që u gjet i djegur në fshatin Karakullak.
Policia ka nisur hetimet, ndërsa drejt qytetit të Elbasanit vecc drejtorit të Policisë së Shtetit Ard Veliu, janë nisur edhe një grup ekspertësh të krimeve të rënda.
Nga hetimet e para rezulton se mjeti i djegur ishte vjedhur në Fushë-Krujë. Policia pritet të bëjë ekspertizën e mjetit, për të parë nëse mund të gjenden gjurmë që mund të ccojnë në zbulimin e autorëve.
Avokati 50-vjeccar jetonte mes Shqipërisë dhe Britanisë së Madhe, ndërsa mësohet se ai do të udhëtonte më 23 mars drejt shtetit ishullor.
Ai jetonte me nënën e tij, ndërsa ishte i divorcuar. Avokati ishte babai i dy vajzave.
Vrasja e Gurrës solli reagimin e menjëhershëm të Dhomës së Avokatisë, e cila dënoi ngjarjen e rëndë dhe apeloi për zbardhjen sa më shpejt të ngjarjes.
Hetimet janë përqëndruar në pistën e vrasjes për shkak të detyrës.
Gurra ishte avokat në çështjen “Shullazi”, ndërsa ka qenë mbrojtës ligjor edhe i pjesëtarëve të fisit ‘Çapaj”. Gjithashtu ai ka mbrojtur edhe një prej të dyshuarve si pjesëtar i ‘Hakmarrja për drejtësi’.
