Shkëlzen Berisha, djali i ish-kryeministrit Sali Berisha, u shpreh mbrëmjen e sotme se Efraim Diveroli e ka diçka normale gënjeshtrën.
Berisha tha se e gjithë historia e Diverolit është një histori gënjeshtrash dhe është kjo arsyeja pse unë padita gazetarin, pasi ai e njihte natyrën e Diverolit, që ka gënjyer më parë edhe Departamentin e Shtetit.
“Pas botimit të artikullit dhe më pas librit unë kam bërë deklarata publike ku kam bërë sqarimet e mia lidhur me akuzat.
Ky libër është përdorur në Tiranë si burim shpifjesh ndaj meje.
Lowson nuk ka qenë kurrë në atë takim, ndërsa Diveroli që ka qenë prezent në takim, bën tjetër përshkrim.
Gazetari më përshkruan me flokë të zinj, ndërsa Diveroli thotë se ka tipare skandinave”, tha Shkëlzen Berisha.
Shkëlzen Berisha iu drejtua gjykatës në SHBA me një padi ndaj Efraim Diverolit dhe dy punonjësve te tjere të AEY, Alexander Podrizki, David Packouz por dhe ndaj Guy Lawson dhe botuesit e librit të “Armet dhe Cunat”, i cili më pas u shndërrua dhe ne film me titullin “Qente e Luftës”.
