Ministri i Brendshëm, Sandër Lleshaj, ishte sot në një takim me student në Universitetin e Durrësit.
Në nisje të takimit ai u përball me një protestë të disa të rinjve, që nën thirrjet “turp turp turp”, e akuzuan Lleshajn për helmimin që i kishte bërë shqiptarëve gjatë protestave të opozitës, duke përdorur gazin.
Ndërkohë ish-deputeti demokrat Igli Cara, përmes një postimi në rrjetet sociale, ka zbuluar një tjetër moment. Në sallën ku është mbajtur takimi i Lleshajt me studentët, ishin të pranishëm 9 truproja, pa përfshirë këtu Drejtorin e Përgjithshëm të Policisë, Ardi Veliu.
“9 bodyguards , kontroll edhe të çantave në takim me studentë e pedagogë në UAMD ?
Hall të madh paske z.ministër Lleshi !”, shkruan Cara në postimin e tij.
