Kryebashkiaku i Tiranës duket se ka përjetuar keq faktin se në ditën e festimeve të tij, dy të rinj tentuan ti hedhin bojën në fytyrë, akt ky i ngjashëm me atë të hedhjes së bojës në Kuvend ndaj kryeministrit Edi Rama nga nënkryetari i PD-së, Edi Paloka.
Një ditë pas këtij akti të dy të rinjve, Lali duket se sheh ëndrra që opozita djeg kazanët e plehrave.
Përmes një postimi në rrjet, Veliaj shkruan se ata që sot bëjnë akte të tilla dhune në të njëjtën kohë me vendosjen e tritoneve shtyllave të tensionit, provuan se gjatë katër viteve që drejtuan Bashkinë e Tiranës, nuk e deshën dhe nuk i shërbyen qytetit.
“Zjarret në TR në të njëjtën kohë me tritolet e shtyllave të tensionit, janë akte dëshpërimi të Partisë së Dhunës (PD) E drejtuan TR 4 vite, kurrë nuk e deshën e i shërbyen.
Aktet antike me zjarr, bojë, vezë e tritol janë sjellje humbësash! Tirana që Duam në 23 Mars”, shkruan Veliaj.
Për kujtesë, Lali Eri është i njëjti që nuk nguroi të shpikë një histori horror me Griseldën dhe t’a çojë deri në Bruksel.
