Policia e Tiranës ka arrestuar një person lidhur me vrasjen e ndodhur pasditen e djeshme te Parku i Liqenit.
Sikundër raportohet në prangat e policisë ka rënë Myftar Pasha, 56 vjeç, mbi të cilin rëndon akuza e moskallëzimit të krimit.
Pasha njihej si mik i autorit, që qëlloi për vdekje në sy të djalit, 62-vjeçarin Haxhi Baçinozi.
Nga hetimet e para rezulton se konflikti për një borxh prej 46 mijë euro, që autori i kishte viktimës ka qenë arsyeja e kësaj ngjarje të rëndë.
Autori është identifikuar menjëherë pas vrasjes nga djali i viktimës, i cili ka qenë dëshmitar në vendngjarje dhe ka parë vrasësin.
Dyshimet janë se autor i krimit që tronditi Tiranën është Islam Mrtaj, i shpallur në kërkim nga policia.
Njoftimi zyrtar i Policisë
Arrestohet një 56-vjeçar për “Moskallzim krimi” në lidhje me ngjarjen e ndodhur mbrëmjen e djeshme në rrugën “Bill Klinton”, ku mbeti i vrarë me armë zjarri shtetasi H. B.
Specialistët për Hetimin e Krimit ndaj Jetës dhe pronës në DVP Tiranë, arrestuan shtetasin:
M. P., 56 vjeç, banues në Tiranë
Ky shtetas në momentin e vrasjes së shtetasit H. B., dyshohet se ka qënë me autorin e vrasjes dhe nuk ka kallëzuar krimin.
Materialet iu referuan Prokurorisë së Rrethit Gjyqësor Tiranë për veprime të mëtejshme.
