Një borxh i pashlyer mendohet se është shkaku i vrasjes së 62-vjeçarit Haxhi Baçinozi, pasditen e djeshme te Liqeni Artificial në Tiranë.
Nga hetimet e deritanishme mësohet se viktima dhe autori kishin pasur konflikte të vazhdueshme lidhur me këtë borxh.
Burimet bëjnë të ditur se autori i krimit ishte i shoqëruar nga një person tjetër në momentin që ka qëlluar mbi 62-vjeçarin, ish i burgosur politik gjatë regjimit diktatorial.
Ngjarja e rëndë ndodhi sot rreth orës 18:15 të ditës së djeshme, te Liqeni Artificial, ndërsa Baxhinovski kishte dalë për vrap bashkë me djalin e tij.
Policia ka identifikuar autorët dhe po punon për kapjen e tyre. Një prej tyre dyshohet se është Islam Myrkaj, nga Fieri.
Myrkaj ka qëlluar 62-vjeçarin, Haxhi Baxhinozi në sy të djalit të tij të mitur, kur viktima kishte dalë nga Liqeni për të vrapuar. Ai është afruar dhe pas një konflikti verbal, ai ka nxjerrë armën tip pistoletë dhe e ka qëlluar disa herë.
Haxhi Baçinozi lindi më 2 korrik të vitit 1957, në fshatin Radostinë të Fierit. Më 30 janar 1982, Gjykata Ushtarake e Tiranës e dënoi me 10 vjet heqje lirie dhe humbjen e së drejtës elektorale për 5 vjet kohë për “agjitacion e propaganda”.
Ai u dënua sërish më 3 qershor 1984, kësaj radhe me 21 vjet heqje lirie dhe humbjen e së drejtës elektorale për 5 vjet kohë për «veprën e terrorit në bashkë-punim” (dënim i kombinuar).
Ai ka qenë i dënuar në kampin e Qafës së Barit, madje ka marrë pjesë edhe në revoltën e Qafës-Barit.
