Rama nis ‘operacionin fshesa’/Ka zona të errëta në administratë, gati paketa e ndëshkimeve për nënpunësit

Kryeministri paralajmëroi se qeveria ka përgatitur një paketë me masa ndëshkimore për punonjësit që shkelin rregullat.
Kryeministri Edi Rama gjatë një takimi që ka zhvilluar në kuadër të programit të Bashkëqeverisjes për “Shqipëria që duam”, tha se administrata ka ende zona të errëta dhe gri, duke iu referuar shkeljeve, abuzimeve dhe neglizhencës.
Kryeministri paralajmëroi se qeveria ka përgatitur një paketë me masa ndëshkimore për punonjësit që shkelin rregullat.
‘Në administratë ka përmirësime edhe pse ashtu si kundër e ka nënvizuar me forcë edhe zëvendëskryeminitri në mbledhjet e qeverisë ka ende zona gri dhe madje edhe zona të errëta në administratë. Ka ende drejtues dhe punonjës që nuk janë në lartësinë e duhur dhe ne po përgatitemi për një paketë të re masash ndëshkimore për të gjithë ata të cilët fshihen pas neneve të ligjit të shërbimit civil apo fshihen pas njëri-tjertrit dhe nuk shërbejnë si duhet dhe nuk e përfaqësojnë në asnjë mënyrë ambicjen tonë për administratën që duam’, tha kryeministri.
Kryeministri Edi Rama foli edhe për rastet e zgjidhura nga platforma, ku prezantoi disa qytetarë që pas denoncimit në platformë kanë gjetur zgjidhje për problemet e tyre. Kryeministri uroi edhe 7 marsin për mësuesit dhe tha se janë njerëz të nderuar.