Një e moshuar është gjetur e pajetë në Korçë, ndërsa dyshohet se ajo është vrarë nga djali i saj.
Sikundër raportohet, 84-vjeçarja Nazime Demollari është gjetur pa shenja jete. Nga hetimet paraprake dyshohet se ajo është mbytur nga djali i saj, Nesim Demollari, 64 vjeç.
Ngjarja ka ndodhur në lagjen nr.14 të qytetit të Korçës, në apartamentin ku jetonte viktima dhe autori i dyshuar i krimit. Policia ka ndaluar djalin, i cili dyshohet për vrasjen e nënës së tij.
“Rreth orës 11:50, në lagjen nr 13, jemi njoftuar se në banesë është gjetur e vdekur, shtetasja N.D, rreth 84 vjeçe. Kjo shtetase jetonte në banesë me djalin e saj, shtetasin N.D, 64 vjeç, i cili aktualisht ndodhet i shoqëruar në Komisariatin e Policisë, ku po punohet për zbardhjen e plotë të rrethanave të ngjarjes”, thuhet në njoftimin paraprak të Policisë së Korçës. /Boldnews.al/
