Alban Skenderaj ka “goditur” edhe një herë me një këngë të zhanrit balad.
“Faleminderit” është kënga e tij më e fundit dhe është pikërisht ajo që duam të dëgjojmë: vlerësim për atë që keni kaluar bashkë me ish-partneren.
Kënga ‘Faleminderit’ vjen e kënduar aq mrekullueshëm nga këngëtari nga Shqipëria, i cili njihet për zërin unik dhe të veçantë.
Pavarësisht se teksti është shkruar prej tij, kënga nuk ka lidhje me jetën e tij personale.
“Faleminderit për çdo çast dhe çdo frymëmarrje që më dhe/ Faleminderit, do të më gjesh gjithmonë aty ku më le”, është refreni i këngës.
Klipi është i thjeshtë, një pamje, një veshje, por i përshtatet kaq mirë muzikës dhe mesazhit të këngës.
