Analisti Armand Shkullaku mendon se qeveria duhet ta marrë seriozisht opozitën, pasi në të kundërt vendi mund të shkojë drejt një përplasje civile.
Shkullaku thumboi ministren Spiropali, e pranishme në Opinion, për etiketimet që ajo bën ndaj kryeministrit Edi Rama.
“Kur të ndodhë përplasja sociale pastaj do ta lejmë opozitën dhe do merremi me Skënderbeun. Maxhoranaca nuk ka pse të entuziazmohet, me terma huliganësh që arratiset opozita. Maxhoranca duhet të ulë kokën dhe të shikojë gabimet e veta. Kjo maxhorancë duhet të kuptojë që kjo opozitë përfaqëson 30 përqind të shqiptarëve. Nëse kjo opozitë krijon frymë do të thotë që kjo qeveri nuk vazhdon më”, tha Shkullaku.
Më herët, Spiropali thotë se qeveria i ka shtrirë dorën e bashkëpunimit opozitës për të kaluar krizën. Sipas saj krizën që ka mbi shpinë kryedemokrati Lulzim Basha nuk mund t’ja ua hedh mbi shpinë shqiptarëve.
Ministrja për Marrëdhënien me Parlamentin tha se opozita nuk është pronë që ta lë babi me tapi. “Opozita është një mënyrë për të gjetur alternativë qeverisëse”, theksoi ajo.
E pyetur nëse është normale për një qeverisje ta drejtojë vendin me një gjysmë Parlamenti, me një opozitë që është në protestë, Spiropali tha se: “Ne do vazhdojmë të punojmë me reformat që janë mbështetur nga ndërkombëtarë, do vazhdojmë me Reformën në Drejtësi që është një nga modelet në rajon që është edhe arsyeja pse jemi prishur më opozitën”.
Lidhur me shitblerjen e votave, Spiropali tha: “do hetojmë. Çështja e vjedhjes së votave që janë çështje sporadike do hetojë prokuroria.”
