OSBE ka reaguar përmes një deklarate lidhur me protestën disa orëshe të zhvilluar nga qytetarët dhe opozita përpara Kuvendit të Shqipërisë.
Ajo që bie në sy në deklaratën zyrtare të OSBE-së është fakti se nuk dënohet aspak sulmi me gaz lotsjellës ndaj protestuesve, ndërsa merakosen për gomat e djegura.
“Dhuna nuk është përgjigjja për problemet e Shqipërisë. Ne e dënojmë sërish nxitjen politike të dhunës dhe bëjmë thirrje për vetëpërmbajtje dhe përgjegjësi.
Të protestuarit është një akt demokratik, por djegia e gomave, përdorimi i shashkave dhe çarja e kordonëve të policisë për të sulmuar një institucion publik, dhe veçanërisht zemrën e demokracisë, nuk janë të tillë.
Po ashtu, e nxisim policinë të reagojë në mënyrë përpjestimore. Ne po e monitorojmë situatën me shqetësim.
Përgëzojmë mediat për shërbimin e madh që po i bëjnë demokracisë përmes raportimeve të drejtpërdrejta”, thuhet në reagimin e OSBE.
