Jean-Arnault Dérens, në një shkrim të tij, analizon situatën që po kalojnë vendet e Ballkanit, përfshi këtu edhe Shqipërinë.
Në Serbi, Shqipëri dhe Malin e Zi, po zhvillohen protesta, ndërsa disa kanë filluar të flasin për “Pranverën e Ballkanit”, thuhet ndër të tjera në artikull.
Fraza po qarkullon gjithnjë e më shumë, por javët e ardhshme do të tregojnë nëse ajo është e vërtetë. Një valë e madhe e protestash kishte kapur rajonin në 2013-2014, por pa rezultate shumë të prekshme.
Përkundrazi, dështimi i këtyre mobilizimeve kishte rezultuar me një valë të pashembullt të eksodit, me të sapo diplomuarit e rinj që po largoheshin nga rajoni për të gjetur kushte më të mira të jetesës jashtë vendit.
Politika evropiane në Ballkan shumë shpesh përmblidhet në një kërkim për “stabilitet” me çdo kusht, që çon në kompromise me regjimet jodemokratike, deri në atë pikë sa shumë flasin për “stabilokraci”.
Në dhjetor, ishin studentët shqiptarë që u rebeluan kundër reformës në universitete dhe ndërhyrja e sektorit privat në botën akademike dhe që pjesërisht e përkulën qeverinë socialdemokrate të Edi Rama. Opozita konservatore ka vendosur gjithashtu të zërë rrugën. Të enjten e kaluar, deputetët e partisë kryesore opozitare madje vendosën të jepnin dorëheqjen kolektivisht.
Në Serbi, autoritarizmi i regjimit të Presidentit Vuçiq është sfiduar për tre muaj nga protestat.
rotestat filluan më 8 dhjetor në Beograd dhe u përhap në të gjithë vendin. Tubimet tani zhvillohen çdo fundjavë të premten ose të shtunën.
Së fundi, Mali i Zi po përfshihet nga protestat për shkak të një skandali korrupsioni që përfshin DPS, partia e presidentit Milo Gjukanoviç.
Të gjitha vendet e rajonit kanë probleme të ngjashme?
Në thelb po. Të gjitha këto vende janë kandidate për integrimin evropian, por kjo perspektivë nuk ka gjasa të materializohet në vitet e ardhshme. Në të njëjtën kohë, të gjithë po përjetojnë papunësi masive, ndërsa pagat mbeten mjaft të ulëta. Për të gjeturë një punë, shpesh është e domosdoshme që të kesh anëtarësinë e partisë në pushtet, qoftë në Shqipëri, në Serbi ose Mal të Zi.
