Myslim Murrizi, deputet i PD-së, është një prej ligjvënësve të opozitës, që së bashku me Lefter Kokën nuk kanë pranuar të dorëzojnë mandatin e deputetit.
Murrizi, pavarësisht se ka votuar në grup pro djegies së mandatit, nuk ka pranuar të zbatojë një vendim politik të marrë nga forumet më të larta drejtuese të PD-së.
“Unë kam qënë 28 vite në PD nuk vij nga hiçi, se kam përdorur mandatin si kartë bankomati. Pati edhe të tjerë deputetë që kishin të njejtin mendim si unë, por unë nuk jam i parimit që kur delet shkojnë tek kasapi nuk flasin për njëra-tjetrën. Kishte zëra që mendonin si unë në mbledhje nga Shkodra, Tirana, Korça, ishin 7 po 8 të rinj dhe deputetë karriere që ishin skeptikë për vendimin”, u shpreh Murrizi, i pranishëm në News 24.
Në vijim ai shtoi se ajo që nuk dihet është hapi tjetër që vjen pas djegies së mandatit, çfarë do të ndodhë.
Murrizi gjithashtu tha se nuk preket nga fakti që mund t’a quajnë tradhëtar, ndërsa shton se ata që u konsideruan tradhëtarë në 2017-ën, sot janë anëtarë të Kryesisë së PD-së, duke përmendur në këtë rast Fatbardh Kadillin.
Por, ajo që përbën nonsense në sqarimet e Murrizit është fakti sepse votoi pro djegies së mandatit në grupin parlamentar, kur ai e kishte të vendosur që mandatin e marrë si deputet, duke qenë pjesë e listës shumëemërore të Qarkut të Fierit, nuk do e dorëzonte.
Murrizi duke e paraqitur veten si proamerikan, tha se nuk mund të dilte kundër partnerëve ndërkombëtarë lidhur me djegien e mandateve.
Por çfarë deklaronte pro-amerikani Murrizi për Ambasadorin Donald Lu, zyrtarin më të lartë amerikan në Shqipëri?
“Kush i ka miq le t’i respektojë si miq, ata janë punonjës të administratës së ministrive të jashtme të vendeve të tyre dhe këtu janë në punë.
Ka prej tyre që kanë qenë me punë edhe në shtete tjera dhe si ka parë njeri as kur kanë shkuar as kur kanë ikur. Nuk ka shqiptar që nuk i njeh prej 26 vitesh ambasadorët e Amerikës, të BE-së dhe KE-së, edhe pse jo rrallë kanë qenë nga vende inferiore që nuk i gjen as në harta ushtarake.
Po të pyes a i njohin qytetarët italianë ambasadorët? Po grekët? Po malazezët? Se nuk po pyes për anglezët, gjermanët apo francezët. Po në vendet e tyre a i njeh njeri këta përveç kolektivit që punojnë?
Servilizmi i klasës politike Shqiptare ka bërë që këta të ndihen e të sillen si protektorë jo guvernatorë.
Dhe ky servilizëm vjen nga hajdutllëku e si të zënë në faj respektojnë nga halli ose ndajnë peshqeshe me këta punonjës diplomatë të vendeve të ndryshme që të mbulojnë horrllëkun e tyre para syve të botës”, deklarohej Murrizi rreth 18 muaj më parë.
Ndërkohë, në prill të 2018, pro-amerikani i sotëm, shkruante : “Duke gjuajtur për peshq të “ mëdhenj”, me duket se kapi disa “ ngjala” bura.
Shqiptarët kanë dy vjet që po mbajne “ tiganin” në zjarr, por peshk me duket se po kapin lesht.
Sot paskemi marrë verejtje nga organizata e frontit pse nuk jemi “ qeflinj” byt….
Ambasadori i dyte i SHBA, që më shumë se për hallet që shqetësojnë shqiptarët, kujdeset për një tuf bq që kërkojnë të na hiqen si të avancuar, dhe pjesa tjetër e Shqipërisë dhe e botës, që eshte 98 përqind, qenkan te prapambetur.
Shihni punën për të cilën jeni këtu dhe ju paguajnë qytetaret amerikanë, dhe mos na jepni leksion për lgbq.
Jo të gjithë politikanet dhe shqiptarët mund t’i impresiononi me një vizë për në SHBA, apo me idenë që i dini të gjitha.
Prej 28 vitesh post komunizëm nuk jeni i pari ambasador i SHBA në shqiperi, dhe as i fundit besoj.
Princ vidi ka qene në këtë vend para më shumë se 100 vitesh dhe iku për 5 muaj.
Shqiptaret kanë ketu sa vetë toka dhe kanë mbijetuar pa u martuar burre me burre, e grua me grua.
Se po te kishte qene keshtu, kjo bote kishte shkuar ne te semes per 30 vjet.
Meqenese rregullin e jeteses se njerezimit ne toke e ka bere Zoti, e ju nuk ju pelqenka, kam nje “ urim” per te gjithe ju:
Çfare “ predikoni” per “ mire” jua dhente zoti ne familjet tuaja”, shkruan deputeti demokrat.
