Policia duket se ka një strategji për të mos u përplasur drejtpërsëdrejti me protestuesit, ndërsa hap vazhdimisht kordonin nga ku qytetarët mund të kalojnë lirisht dhe të arrijnë deri në hyrjen e Kryesministrisë.
Në momentin që protestuesit arrijnë pranë derës së Kryeministrisë, nuk tentojnë të hyjnë në godinë, çka tregon se edhe vetë protestuesit nuk duan të përshkallëzojnë përplasjen.
Por ajo që vihet re është se sapo grupi i protestuesve mbërrijnë në krye të shkallëve, pas disa sekondave, nga tarraca e Kryeministrisë qëllohet me gaz lotsjellës që shkakton probleme te protestuesit, por edhe te forcat e policisë që ndodhen në bulevard.
