“Të dëmtosh një pronë publike apo private dënohesh sipas Kodit Penal të Republikës së Shqipërisë. Kushdo që dëmton një pronë private dënohet.” Kështu u shpreh Taulant Balla, kryetari i grupit parlamentar të PS-së Taulant Balla për protestën e nesërme para kryeministrisë.
Duke folur në një studio televizive të News24, Balla e quajti të turpshëm gjestin e djeshëm të Palokës, që spërkati me bojë kryeministrin Edi Rama.
“Po akti i kryeministrit, a është e hijshme të ngërdheshet kryeministri duke imituar”, u pyet ai. Kreu i grupit parlamentar iu shmang përgjigjes të drejtpërdrejt.
Balla: “Duhet të ndajmë se nëse këto dy gjëra vendosen në peshore, peshorja juaj ka nevojë për balancim. Është e pamundur të flasësh në Kuvend për ne si përfaqësues të mazhoracës se Paloka dhe Noka s’lejojnë njeri të flasi. Me një fjalor banal rrugësh këta fillojnë të flasin me një fjalor banal. Përfitojnë nga rregulli se nëse s’je duke folur me mikrofon s’ndëshkohesh nga rregullorja. Duhet të ndryshojmë rregulloren që nëse dikush qëllon me bojën me vezë, me çizme, ata duhet të përjashtohen jo 10 ditë po 3 muaj”.
A është e hijshme nga ana e Kryeministrit apo jo?
“Ajo që po ju them është se kryeministri ndaj këtij përfaqësuesi të rrugaçërisë, ka reaguar në mënyrën në të butë ndaj provokimeve të ulëta”, tha Balla. /Boldnews.al/
