Kryeministri Edi Rama, gjatë një bashkëbisedimi me banorë të Rrëshenit, u shpreh se falë ndërhyrjes së tij, dhomat e zhveshjes në pallatin e lojrave me dorë në këtë qytet, do të zmadhohen.
“Shyqyr që shkova para se ta mbaronin, se dhomat e zhveshjes i kishin bërë shumë të vogla, dhe i binte që lojtarët të zhvisheshin një nga një, para se të hynin në fushë. Falë ndërhyrjes sime, këto dhoma do të jenë më të mëdha”, tha Rama, ndërsa ka marrë duartrokitjet e të pranishmëve për këtë çështje.
Rama ka premtuar rindërtimin e Muzeut të Mirditës, ndërsa ka vënë theksin te zhvillimi i turizmit në këtë zonë.
Kryeministri i ka kërkuar të pranishmëve që t’i drejtohen platformës së bashkëqeverisjes për të zgjidhur problemet e tyre.
“Ju e dini tashmë, çështjet personale shkruajini te platforma dhe brenda 10 ditësh do të merrni përgjigje”, tha Rama. Sipas tij, përmes portalit harxhohen 2-3 minuta dhe s’ke nevojë as të takosh njeri as të gjesh miq.
“Besoni dhe kontrolloni në këtë pikë, përmes kësaj platform janë të tjerët që punojnë për të zgjidhur problemin tënd”, shtoi Rama.
*Dritan Dajti/ Rama sulmon gjyqtarët: Janë njerëz të ligj, nuk do shpëtojnë lehtë! Do bëjmë presion…
