Kryeministri Edi Rama i është rikthyer sulmeve ndaj mediave. Pas një periudhe pauze, Kreu i Qeverisë, nuk ka nguruar që nga Lezha, të rikthejë në fjalor fjalët kazan për mediat.
Gjatë një vizite në një biznes në Lezhë, Rama tha se asnjë kamion nuk është kthyer mbrapsht për shkak të cilësisë.
“Kur kemi nisur për të kaluar paketën anti-shpifje në Kuvend, më çonin mesazhe biznesmenë që më thonin aman mos u tërhiq. Mora një biznesmen në telefon dhe i thashë po ju çfarë keni? Çfarë kemi, po ne na mbytën mo, më tha.
Se futet gjëja në kazan dhe s’pyet njeri më, se çfarë pasojash ka te njerëzit. E çmendet ky milet.
Këtu është histori, kazan i madh, u vënë gjoba bizneseve, ‘hajde ti paguaj se unë të bëj copë’. Hajde këtu thonë se heshtja paguhet”, u shpreh Rama.
