Video e Berhan Bajrakurtit ka shokuar mbarë opinionin publik ditën e sotme.
Shefi i policisë në Grumiere të Malësisë së Madhe u akuzua sot nga nëna e një minoreneje se ndaj saj ka kryer veprime të turpshme dhe e ka ngacmuar seksualisht.
Por Bajrakurti ka qenë aktiv dhe në rrjetet sociale ku në faqen e tij të Facebook, ndër të tjera, ai ka postuar një fotografi të një polici, i cili shoqëron për dore një fëmijë, ndërsa e shoqëron këtë postim me komentin: “Jemi në drejtimin e duhur”.
Ndërkohë që sot nëna e 15-vjeçares, ka rrëfyer se ai i ka dërguar video intime të bijës dhe i ishte gjendur në komisariat 5 minuta pasi ajo kishte shkuar për të bërë denoncimin, duke e kërcënuar.
Drejtoria e Policisë së Shkodrës ka deklaruar se në emër të Bajrakurtit nuk është bërë një denoncim për ngacmim seksual duke hedhur poshtë dëshminë e nënës së vajzës.
Bajrakurti ishte liruar nga detyra më herët për t’u rikthyer më pas në vitin 2013.
