Përditësuar/ “Me Edi Ramën nuk ka dhe s’do të ketë asnjë marrëveshje”, u shpreh Luzim Basha nga Lushnja.
“Dua tua them qartë dhe prerë. Me Edi Ramën nuk ka zhvillim. Me Edi Ramën nuk ka punësim. Me Edi Ramën nuk ka ligj. Me Edi Ramën nuk ka drejtësi. Me Edi Ramën nuk ka kujtesë për të pamundurit. Me Edi Ramën nuk ka Evropë. Me Edi Ramën nuk ka dhe nuk do të ketë asnjë marrëveshje. Marrëveshja jonë është me shqiptarët”, tha kryetrari i PD-së Basha.
Një mesazh, kryedemokrati e dha edhe për protestën e 16 shkurtit,
“Ky është momenti fatlum i çdo shoqërie dhe i çdo populli europian. Është në dorën tuaj. Do ta ulni kokën para të keqes apo do ta mposhti të keqen të gjithë të bashkuar më datën 16 në Tiranë. Ju ftoj të gjithë së bashku, lushnjarë dhe lushnjare, banorë të Divjakës dhe Myzeqesë, punëtorë, fermerë, intelektualë, e veçanërisht ju të rinj e të reja. Derdhuni në Tiranë, ti japim fund të keqes më 16 shkurt”, apeloi Basha.
***
“Nuk jeni të varfër, jeni të vjedhur”/ Basha nga Lushnja: Duan ta bëjnë qytet hije, janë kthyer Shytët me shokë
Kryetari i Partisë Demokratike Lulzim Basha u ndal në Lushnje këtë të hënë, ku zhvilloi një takim me qytetarët, të cilët i ftoi të bashkohen në protestën e 16 shkurtit.
Gjatë një bashkëbisedimi me një tregtar Basha tha se, Lushnjën duan ta kthejnë në një ‘qytet hije’.
“Në çdo qytet ku shkoj, rrugët kryesore vizitoj, gjysmën e bizneseve i gjej të mbyllura, gjysmën tjetër i gjej bosh. Problemi është siç thanë studentët: nuk jemi të varfët jemi të vjedhur. Ju i mbyllni bizneset sepse taksat e rënda, çmimi i lartë i naftës, çmimi i lartë i energjisë shkojnë në xhepat e Edi Ramës dhe 5 oligarkëve. Me uljen e taksave, me uljen e naftës, me uljen e çmimit të energjisë, me rritjen e konsumit, ne do të mundësojmë në radhë të parë që biznesi i vogël të mos mbylli, po të hapi vende pune. Dhe në radhë të dytë, përmes biznesit të vogël të rritet konsumi, të gjenerohen vende pune, të rritet punësimi. Ky është qëndrimi kryesor. Ndërsa për sa i përket Lushnjes situata është dyfishtë e rëndë. Të dhënat tona janë që këtu janë mbyllur 196 shkolla, tani do mbyllin edhe spitalet, duan ta heqin Lushnjen nga lista e qyteteve. Duan ta bëjnë qytet hije. Një mik më tha se ka katër muaj që ka vënë apartamentin në shitje, me një çmim qesharak sepse dua të shkoj në Tiranë dhe nuk arrij ta shes. Kjo duhet të marrë fund. Siç e thanë edhe studentët ‘Ju nuk jeni të varfër, jeni të vjedhur’. Nëse ne rikthejmë në Lushnje subvencionet për fermerët, kthejmë tek biznesi 300 lek për litër të naftës të taksës Rama, që po ua merr njerëzve, nëse ulim çmimin e energjisë, Lushnja do të marrë prapë frymë. Duhet ta çlirojmë Lushnjen nga Shytët dhe të tjerët me shokë, se janë kthyer prapë bandat dhe kriminelët. Për këtë na duhet të jemi të gjithë bashkë”, tha Basha. /Boldnews.al/
