Mjekët të mos largohen nga Shqipëria. Mesazhi ka ardhur nga Arqipeshkvi i Shkodrës, Imzot Angelo Massafra, sipas të cilit nuk është e drejtë që stafet mjekësore të largohen nga Shqipëria.
“Njeriu duhet të jetë më human. Në spitalet tona duhet të kemi më shumë zemër. U bëj thirrje mjekëve të mos largohen nga Shqipëria, të mos mendojnë vetëm për para. Nëse ata largohen në vendet e tjera, kush mbetet këtu për të dhënë shërbimin e merituar, nuk është e drejtë. Kemi festuar vitin e Skenderbeut, ai ka luftuar deri në vdekje. E sot ne çfarë bëjmë, zgjedhim të ikim në vende të tjera për të qenë më rehat. Duhet të duam më shumë vendin tonë, njerëzit tonë, që të japim kontributin e duhur. Nuk është e drejtë, nuk është mire që të gjithë të lajmë duart, e ata që vuajnë çfarë të bëjnë”?, u shpreh Arqipevshki i Shkodrës në një meshë të organizuar.
