Ekipi i Skënderbeut ndodhet në një krizë ku ka 6 humbje rresht. Situata nuk është e qetë dhe Shehi ndihet nën presion për të marrë një fitore që i mungon prej më shumë se 2 muajsh Skënderbeut në kampionat.
Të hënën ekipi korçar pret në fushën e vet Laçin dhe kërkon me çdo kusht rikthimin tek fitorja për t’i dhënë fund krizëz.
Për këtë ndeshje Orges Shehi pritet të bëjë ndryshime në formacion. Largimi i Ardit Hoxhajt dhe dëmtimi i Dejvi Bregut kanë lënë një boshllëk në krahun e djathtë të sulmit dhe trajneri durrsak pritet të rikthejë Gjergji Muzakën në pozicionin e tij natyral si mesfushor krahu. Pra, ndaj Laçit sulmi i ekipit korçar do të përbëhet nga Gripshi në të majtë, Muzaka në të djathtë që do të mbështesin Krasniqin në majën e sulmit. Në mesfushë Taipi dhe Dita do të luajnë nga minuta e parë, ndërsa për ta plotësuar treshen e mesfushës në balotazh janë kroati Pervan dhe Ganezi Sibo.
