Një ndër ngjarjet më të rënda të ditëve të fundit, është ajo e përdhunimit të 13-vjeçares nga Kavaja nga 14 bashkëmoshatarë të saj, duke e shantazhuar me një video intime të saj me të dashurin.
Lidhur me këtë kanë folur edhe disa nga familjarët e të akuzuarve për këtë rast.
I vëllai i një prej të arrestuarve ka treguar për “Open” se pasi e shoqëruan herën e parë në polici, e ka marrë më vete për të zbuluar se çfarë kishte ndodhur në të vërtetë.
“Herën e parë e mbajtën 8 orë në komisariat e morën në pyetje dhe e liruan. E lanë 2 ditë të lirë. E mora më vete, me makinë shkuam në Durrës, e pyeta në të gjitha mënyrat. Nëse do ta kishte bërë ai do e fusja vetë brenda. Mu shtri para këmbëve dhe u betua se nuk e kishte bërë. Më tha që ai… i kishte dërguar videon dhe vajza i kishte shkruar për ta takuar. Më pas e ka mbyllur bisedën. Ai nuk ka bërë asgjë”, tha ai.
