Një 43-vjeçar ka mbetur i plagosur si rezultat i një aksidenti të ndodhur në afërsi të stacionit të Trenit në Durrës.
I plagosuri, A.H është transportuar drejt spitalit rajonal, ku ndodhet jashtë rrezikut për jetën.
Mësohet se 43-vjeçari, banues në Qerret (Kavajë) ishte këmbësor, ndërsa u plagos pas përplasjes së dy automjeteve.
Në vendngjarje ka mbërritur grupi hetimor, i cili po vijon punën për përcaktimin e shkakut të aksidentit.
