Një e re shqiptare ka humbur jetën në Francavilla al Mare (Chieti).
Lajmin e bëjnë me dije këtë të mërkurë mediat italiane, që raportojnë se viktima është 24-vjeçarja Joana Hoxha, me banim prej kohësh në shtetin fqinjë.
Drama ka ndodhur pasditen e djeshme në banesën e çiftit, ku e reja u ndje keq. Bashkëshorti i saj lajmëroi ekipet e emergjencës, por kur ata mbërritën atje, 24-vjeçarja kishte ndërruar jetë.
E reja ishte nënë e vajze 1 vjeçe e gjysmë.
Shkaku i ndarjes nga jeta mbetet ende mister, ndërsa pritet autopsia për të hedhur dritë mbi ata ç’ka ndodhur. /Boldnews.al/
